Fråhaldsmenesje

                                    

I dag hadde eg tenkt å vakne opp som eit ekte fråhaldsmenesje

ja eit heilt ekta fråhaldsmenesje og ikkje noko fake. 

Eit ekta fråhaldsmenesje vaknar alltid tidleg om morgonen

frisk og  opplagt med nykjemma hår

nypussa  tenner med Colgate fresh mint  

 eg veit ikkje kvifor det er alltid er fresh mint 

det høres tøft ut synes eg

nei det er nok smaken av fresh mint

fråhaldsmenesjene likar best

Og så er eit ekte fråhaldsmenesje

alltid nybada når ein vaknar.  Alltid.

Det er derfor eit ekte fråhaldsmenesje

alltid luktar  godt om morgonen og.

Eit heilt ekte fråhaldsmenesje et berre sunn og  frisk mat.

Ja, ja. Kanskje ein sjeiar ut med ein kopp kaffi etter frukost

då med møkje lettskumma mjølk oppi  sjølvsagt.

 Ser eit ekte fråhaldsmenesje at det kjem nokre halvfulle, oftast dritafulle

meir eller mindre kjente Odda-forfattarar mot seg 

 så snur dei heilt ekte  fråhaldsmenesjene håvene  andre vegen,

ikkje bare ein gong, men to gonger,

først til venstre og så til høgre.

Er du eit heilt ekte fråhaldsmenesje og ikkje noko fake 

så blindar du igjen begge auga og. 

Då tenker eg at dei  andre seier; Ja - sjå på han.

 Han er eit heilt ekte fråhaldsmenesje, ikkje  noko fake

Han blinda  igjen begge auga  

og  ikkje bare to av dei.