Årsaka til eit beinbrot kan væra så mange . Alle trur jo at nordmenn er fødde med ski på beina, men det er ikkje sant . Det er ingen som er født verken med glasfiberski eller treski ,at nokon seinare i livet har fått høyra at dei er født med ein treskalle er noko heilt anna. Sjølv om det ofte kan dokumenterast. Noko anna som ikkje kan dokumenterast , eller du og kan seie det slik ” du kan ikkje motbevisa det”. Alle nordmenn er født med ein luftgitar mellom hendene.
Kva har det med beinbrot å gjera, ja for å sjå på dette beinbrotet eg tenker på her må vi gå tilbake til Dallas i Texas . Det var januar 1954 at Jim og Martha Vaughan satt rundt kjøkkenbordet og åt middag med sonen deira som heitte Jimmie , han var oppkalla etter bestefar til Martha som heitte Sondre , han kom frå Morgedal i Noreg . Martha hadde høyrd at nordmenn var fødde med ski på beina, men ho trudde ikkje heilt på det . Det var ikkje bare Martha som hadde slekt i Noreg, Jim Vaughan hadde og det , farbror hans hadde flytta til Noreg rett etter krigen han dreiv fiskehandel i Odda , han kalla seg Vågen, Sigvald Vågen. Vågen uten h.
Jimmie maste om kvifor han ikkje hadde fått nokon søsken, det var noko han gjorde kvar gong dei sat ved bordet og åt, ja aller helst ville han ha seg ein bror. Jim og Martha såg på kvarandre , Jim blei kalla Big Jim . Grunnen til det er noko uklar , men det kan ha noko med størrelsen på ein kroppsdel som eg ikkje vil komma inn på her . For Martha kom innpå den kroppsdelen noko seinare den kvelden . 3.oktober 1954 blei Jimmie Vaughan storebror. Då skjønar vel alle nokolunde oppegåande vaksne kva for ein kroppsdel det var snakk om ,og då treng ein ikkje komma inn på den meir. Bror til Jimmie fekk namnet Stephen Vaughan, han tok seinare artistnamnet Steve Ray Vaughan. Jimmie og Steve blei to av dei beste gitaristane i verda , Steve Ray Vaughan døde i eit helikopterkrasj i 1990 nær 35 år. Han blei då eit ikon for alle luftgitaristar, også for dei nordmenn som var fødd med ein luftgitar mellom hendene. Så grunnen til til det omtalte beinbrotet på blueslokalet fredag 3.desember 2010 var ikkje at ,Tone var på feil plass , ikkje at Johan spela luftgitar med ei ekte innleving som ein ekte luftgitarist skal gjera, ikkje at Øyvind og Stein Egil som spela luftrytme gitar i bakgrunnen, ikkje at Ivar ikkje hadde fått opp sin, luftgitar, ikkje at det var Vidar som sette på CD`en med Steve Ray Vaughan, men det var Jimmie Vaughan som fekk viljen sin ved kjøkkenbordet ein januardag i 1954. Jimmie Vaughan du er ein sjuk sjuk sjuk jævel.
Ingen kommentarer:
Legg inn en kommentar